Ријад, 4 јануари 2025 (МИА) - Милан стана вториот финалист на италијанскиот Суперкуп во сезоната 2024/25.

Во полуфиналната фаза на турнирот „Росо-нерите“ синоќа во Ријад (Саудиска Арабија) го победија Јувентус со 2:1. 

Јувентус поведе преку Кенан Јилдиз во 21. минута од натпреварот. Во 71. минута Кристијан Пулишиќ го израмни резултатот. Пет минути подоцна, дефанзивецот на клубот од Торино, Федерико Гати си постигна автогол.

Милан го одигра првиот натпревар под водство на новиот тренер Серхио Консеисао. 

Во финалето на италијанскиот Суперкуп, Милан ќе играат против Интер, кој претходно ја совлада Аталанта (2:0). зс/

Фото: ЕПА