Подгорица, 13 ноември 2024 (МИА) - Агенцијата за национална безбедност (АНБ) проверува дали се подготвува информацијата дека се подготвува атентатот на претседателот на Црна Гора, Јаков Милатовиќ, која неодамна ја добила преку извор од странство, а за тоа го известила неговиот кабинет и Управата за полицијa, пишува Вијести.

На прашањето за можна сериозна закана за шефот на црногорската држава, Управата на полицијата и кабинетот на Милатовиќ го потврдија постоењето на таква информација, а од АНБ не одговорија на медиумот.

-Кабинетот на претседателот на Црна Гора е информиран дека се испитува веродостојноста на информациите за можна закана по безбедноста на претседателот на државата Јаков Милатовиќ. Не добивме повеќе детали. Известени сме дека надлежните органи го имаат земено предвид горенаведеното и го обработуваат и очекуваме дополнителни информации, соопштија од Канцеларијата за односи со јавноста на кабинетот на Милатовиќ. мс/

фото: ЕПА