Рабат, 14 април 2026 (МИА) - Марокански апелациски суд ја потврди пресудата на 18 сенегалски навивачи за предизвикување немири за време на финалето на Африканскиот куп на нации помеѓу Мароко и Сенегал, пренесува „Agence France-Presse“.

Навивачите беа уапсени на 18 јануари и обвинети за насилство врз службеници за спроведување на законот, оштетување на спортска опрема и фрлање предмети. 

Во првата фаза од судењето, девет Сенегалци беа осудени на една година затвор и парична казна од 5.000 марокански дирхами (приближно 460 евра), шест навивачи беа осудени на шест месеци затвор и парична казна од 2.000 дирхами (184 евра), а тројца навивачи беа осудени на три месеци затвор и парична казна од 1.000 дирхами (92 евра). На 13 април, обвинетите поднесоа жалба на одлуката на судот, но таа беше потврдена.

На 18 јануари, Сенегал го победи Мароко со 1:0 во продолжение. Во 90+8. минута беше досуден пенал против Сенегал, поради што тимот го напушти теренот во знак на протест на барање на главниот тренер. 

Сепак, капитенот Садио Мане подоцна ги повика играчите од тунелот. Мароканската фудбалска федерација поднесе жалба на резултатот, а CAF им додели службена победа на Мароканците од 3:0. зс/

Фото: ЕПА