Македонската берза дел од кампањата на глобалната иницијатива „Да заѕвониме за родова еднаквост“
Македонската берза и оваа година се приклучи кон иницијативата „Да заѕвониме за родова еднаквост“ (Ring the bell for gender equality). Мотото за 2026 година е „Права. Правда. Акција, за сите жени и девојки“ (Rights. Justice. Action for all women and girls), со што по повод Меѓународниот ден на жената се повикува на забрзана акција за отстранување на структурните бариери за родова еднаквост. Иницијативата што е поддржана од над 110 други берзи има за цел подигнување на свеста за родовата еднаквост во приватниот сектор, прашањата поврзани со економијата, финансиите и одржливиот развој. По овој повод, денеска, ѕвоното на Македонска берза заеднички го заѕвонија министерката за финансии Гордана Димитриеска - Кочоска и Иван Штериев, главен извршен директор на Македонска берза, соопштија попладнево од Секторот за развој, промоција и односи со јавност.
Mia.mk користи колачиња Ние користиме колачиња за да го подобриме вашето искуство со прелистување, да опслужуваме персонализирани реклами или содржини и да го анализираме нашиот сообраќај. Со кликнување на „Прифати“, се согласувате со нашата употреба на колачиња.
