Лукаку: Чест е да се игра за овој клуб, за овие навивачи и за овие момци
- Напаѓачот на Наполи, Ромелу Лукаку ги сподели своите емоции по дебитантскиот натпревар за тимот.
- Post By Спорт Миа
- 11:25, 1 September, 2024
![Лукаку: Чест е да се игра за овој клуб, за овие навивачи и за овие момци](https://mia.mk/images/20240901112518_big_730x400_15.webp )
Неапол, 1 септември 2024 (МИА) - Напаѓачот на Наполи, Ромелу Лукаку ги сподели своите емоции по дебитантскиот натпревар за тимот.
Наполитанците ја победија Парма со 2:1 на домашен терен во натпревар од 3. коло на италијанската Серија „А“. Лукаку израмни во 90.+2. минута, а Андре-Франк Замбо Ангиса по кратко време го постигна победничкиот гол за тимот на Антонио Конте.
-Чест е да се игра за овој клуб, за овие навивачи и за овие момци кои ме пречекаа толку топло. Работевме напорно и трудот што го вложивме на тренинзите се исплатеше. Навикнат сум да постигнувам голови дебито, но најважно е што победивме. Среќен сум, но сега треба да работиме и да продолжиме да победуваме, рече Лукаку по мечот.
Наполи го објави трансферот на Лукаку од Челси на 29 август. 31-годишниот Белгиец потпиша договор до 30 јуни 2027 година. дс
Фото: Фејсбук/Наполи