Минхен, 25 декември 2024 (МИА) - Поранешниот играч за врска на Баерн Минхен и германската фудбалска репрезентација, Стефан Ефенберг, го пофали новиот тренер на Баварците, Винсент Компани за неговата работа во првата полусезона.

Баерн води во Бундеслигата со 36 бодови, четири повеќе од актуелниот шампион Баер Леверкузен. Во Лигата на шампионите, Баварците се на десеттото место во поредокот со 12 бода, односно шест помалку од лидерот Ливерпул.

-Тој работи мирно и сериозно и во победи и во порази. Последните неколку сезони во Баерн беа турбулентни, но Компани докажува дека е вистинскиот човек за Минхен. Конечно, повторно гледаме трајна и стабилна играчка филозофија. Тоа е она што им треба на рекордерите по бројот на титули во Германија. Да беа поразени од Лајпциг, сепак, работите во клубот можеби немаше да бидат толку мирни, напиша Ефенберг во својата неделна колумна за „т-онлајн“.

Баерн победи со 5-1 против „биковите “во, како што рече Ефенберг, „достоен крај на годината“. дс

Фото: Архива