Дебар, 1 јануари 2025 (МИА) - Градоначалник на општина Маврово и Ростуше, Медат Куртовски, со свои соработници,  во текот на новогодишната ноќ, традиционално,  ги посети дежурните екипи на институциите од посебен интерес.

Ги посетија и пригодни подароци им донесоа на дежурните екипи во полициските станици во Ростуше и Маврови Анови, полициска станица Жировница, Здравствен дом Ростуше, како и секциите на Јавното претпријатие за одржување на магистрални и регионални патишта, во Маврови Анови и во село Долно Косоврасти.

-Во новогодишна ноќ ги посетивме дежурните служби на институциите кои се грижат за редот, мирот, безбедноста и здравјето на сите наши граѓани. Ја пренесовме нашата благодарност за нивната пожртвуваност, со желби за добро здравје, среќа и благосостојба во нивните семејства, напиша Куртовски на Фејсбук.

Од негово име и во име на општинската администрација и Советот и општина Маврово и Ростуше, тој упати честитка за посреќна и поуспешна година до сите жители од оваа општина и многубројната општинска дијаспора, со порака „да бидеме позитивни, подобри, поуспешни и заеднички да ги оствариме зацртаните цели“.

Честитки за новата година до жителите во двете општини, и пошироко упатија и градоначалниците на Дебар, Хекуран Дука и на  Центар Жупа, Аријан Ибраим, како и Латиф Пајковски, од име на Сојузот на Македоцните со исламска религија (СМИР). вт/вг/

Фото: ФБ на градоначалник на општина Маврово и Ростуше, Медат Куртовски