Скопје, 15 февруари 2026 (МИА) – Во просториите на „Катче за приказни“ во центарот на Скопје денеска ќе се одржат креативни работилници за деца посветени на традиционалниот обичај Мартинки каде преку приказни и интерактивни активности најмладите ќе ја осознаат симболиката и значењето на мартинките.

Организаторите наведуваат дека работилницата претставува можност децата да се запознаат со традицијата на Денот на Баба Марта и да создадат свои рачно изработени мартинки.

-Ова не е само работилница, туку патување низ традицијата и магијата на пролетта, велат од „Катче за приказни“.

Настанот е организиран од „Катче за приказни“, во соработка со ХАЕМУС – носител на обичајот Мартинки впишан во УНЕСКО, и Kreaktiva – The Storytelling & Experience Design Studio. бк/лв/

фото: „Катче за приказни“