Пекинг, 17 јули 2024 (МИА) – Кина и Русија почнаа поморски вежби во Јужното Кинеско Море, јавија руските и кинеските државни медиуми, при што двете земји ги зајакнаа воените и трговските врски во последните години по воведувањето на американските санкции.

Свеченото отворање на руско-кинеската поморска вежба „Поморска соработка – 2024“ се одржа во кинеското пристаниште Жанџијанг, соопшти руското Министерство за одбрана.

За време на маневрите, екипажите на бродовите на руската пацифичка флота и морнарицата на Народноослободителната армија на Кина (ПЛА) треба да спроведат заеднички вежби за воздушна одбрана и противподморнички вежби со учество на морнаричката противподморничка авијација на ПЛА, соопшти руското Министерство за одбрана.

Двете земји се очекува да распоредат најмалку по три брода за тридневната вежба, јави кинескиот државен весник Глобал тајмс, цитирајќи ја Морнарицата на Народноослободителната војска. јт/

Фото: Х скриншот