Тирана, 13 јануари 2025 (МИА) - Албанската секција на Интернационална полициска асоцијација, ИПА, во август годинава ќе биде домаќин на меѓународниот шампионат во фудбал на полициски екипи на земјите членки на ИПА.

Информацијата на Фејсбук страната на Министерството за внатрешни работи ја објави министерот Ервин Хоџа, по средбата со првиот човек на ИПА-Албанија, Скендер Дода.

„Ја потврдив поддршката за овој значаен настан, што ќе се одржи во Скадар, во периодот од 4 до 8 јуни 2025 година,  ветувајќи дека ќе бидам присутен на свеченото отворање. Овој фудбалски турнир на мали терени на полициски екипи за првпат се одржува во Албанија, која ќе биде достоен домаќин,  напиша Хоџа.

Според него се очекува да учествуваат околу 40 екипи, придружувани од членови на семејствата и навивачи, до 1000 луѓе. вт/

Фото: Хоџа ФБ