Бања Лука, 9 март 2025 (МИА) - Претседателот на Република Српска (РС) Милорад Додик денеска повтори дека РС не може да се откаже од своите ставови.

Тој објави резиме од изминатата недела на социјалната мрежа Икс со порака дека „РС не може и нема да се откаже од своите позиции“, додавајќи дека РС е целосно посветена на мирот и стабилноста, како и на целосно почитување на Дејтонскиот мировен договор“.

„Постојано го повторуваме тоа, бидејќи ниту една наша акција нема да биде насочена кон нарушување на мирот. Наше право е да користиме политички средства за да укажеме на обидите на Сараево да воспостави неуставна и унитарна држава“, нагласи тој.

Додик наведе дека разговарал и со српскиот претседател Александар Вучиќ и со српскиот премиер во оставка Милош Вучевиќ, кои потврдиле дека „Србија силно стои со Република Српска“. паг/

Фото: МИА архива