Дебар, 17 јануари 2025 (МИА) - Во рамки на и така добрата соработка, во Ростуше, седиштето на општина Маврово и Ростуше, средба остварија градоначалниците на оваа и општина Дебар, Медат Куртовски и Хекуран Дука, со нивни соработници.

- На  средбата дискутиравме за повеќе прашања, со посебен акцент на актуелните потреби во делот на управувањето со комуналниот отпад и во делот на противпожарната заштита. 
Се договоривме заеднички да делуваме во следниот период во изнаоѓање на подолготрајни решенија за овие заеднички потреби, информираше Куртовски.

Оцени дека како две соседни општини, кои се тесно поврзани,  досега имале одлична соработка која ќе продолжи и во следниот период.

- На оваа многу значајна средба оцениме дека проблемот со комуналниот отпад е глобален проблем кој бара повнимателен и посериозен пристап за да се постигне задоволително управување. Дискусијата опфати и помош со специјализирани возила за противпожарната служба на општина Дебар, со што ќе се збогати возниот парк на оваа служба, објави градоначалникот Дука.

На средбата присуствуваше и Џетан Мифтароски, командир на дебарската територијалната противпожарна единица, која интервенира и во оваа и соседната општина Центар Жупа. вт

Фото: Куртовски/Дука ФБ