Германската влада ги закажа следните парламентарни избори за 28 септември 2025 година
- Германската влада одлучи следните парламентарни избори да се одржат на 28 септември 2025 година, јави ДПА. Датумот за одржување на изборите мора да го одобри претседателот Франк-Валтер Штајнмаер, но тоа обично е формалност.
![Германската влада ги закажа следните парламентарни избори за 28 септември 2025 година](https://mia.mk/images/20240724152311_big_730x400_99.webp )
Берлин, 24 јули 2024 (МИА) - Германската влада одлучи следните парламентарни избори да се одржат на 28 септември 2025 година, јави ДПА.
Датумот за одржување на изборите треба да биде одобрен од претседателот Франк-Валтер Штајнмаер, но тоа претставува формалност.
Последните избори за Бундестагот се одржаа во 2021 година, кога Германската социјалдемократска партија на канцеларот Олаф Шолц освои најмногу гласови. Тој формираше коалициска влада со Унијата 90/Зелени и Слободната демократска партија.
Во текот на своето владеење, коалицијата на левиот центар, за која уште на почетокот се очекуваше да се соочи со тешкотии, загуби голем дел од своите поддржувачи и во моментов резултатите од анкетите и даваат одлучувачко водство на конзервативната опозиција.
Шолц денеска на прес-конференција соопшти дека има намера да се кандидира за втор канцеларски мандат. рп/
Фото: МИА архива