Во ЕУ во јуни регистрирани речиси 1,1 милион нови автомобили
- Во земјите на Европската унија во јуни се регистрирани 1.089.925 нови автомобили, што е за 4,3 отсто повеќе во споредба со истиот месец лани, соопшти денеска Асоцијацијата на европски производители на автомобили (ACEA).
- Post By Јасмина Тасевска
- 11:58, 18 July, 2024
![Во ЕУ во јуни регистрирани речиси 1,1 милион нови автомобили](https://mia.mk/images/20240718115829_big_730x400_25.webp )
Брисел, 18 јули 2024 (МИА) – Во земјите на Европската унија во јуни се регистрирани 1.089.925 нови автомобили, што е за 4,3 отсто повеќе во споредба со истиот месец лани, соопшти денеска Асоцијацијата на европски производители на автомобили (ACEA).
На повеќето големи европски пазари е забележан раст на продажбата на годишно ниво, во Италија за 15,1 отсто, Германија за 6,1 отсто, Шпанија за 2,2 отсто, додека во Франција бројот на регистрации на нови автомобили е намален за 4,8 отсто.
Во јуни, најголем број нови регистрирани возила се на бензин – 34,4 отсто, потоа хибрид-електрични возила 29,5 отсто, електрични возила на батерии 14,4 отсто и автомобили на дизел 12,7 отсто. јт/
Фото: ДПА