Мадрид, 28 декември 2024 (МИА) - Иднината на ѕвездата на Реал Мадрид, Винисиус Жуниор и понатаму е предмет на шпекулации. Различни извори тврдат дека напаѓачот е предмет на интерес од неколку клубови од Саудиска Арабија, кои се подготвени да му понудат колосална плата.

Токму поради оваа причина раководството на Реал реагираше и веќе планира преговори со играчот за обновување на неговиот договор. Последен потпиша нов договор минатата година, но можно е да му биде понуден нов следното лето, но со подобри услови.

Според медиумите во Шпанија, Винисиус е подготвен да остане на „Сантијаго Бернабеу“ и да ги одбие сите понуди до него од Саудиска Арабија. Сепак, за оваа цел „кралскиот“ клуб мора значително да ги подобри финансиските параметри од договорот на фудбалерот. Моментално добива 10 милиони евра годишно, што е многу помалку од најплатениот играч на Мадрид - Килијан Мбапе. дс

Фото: Архива