Ахмети го осуди обидот за атентат врз Трамп
- Лидерот на Демократската унија за интеграција Али Ахмети, на социјалните мрежи го осуди обидот за атентат врз поранешниот американски претседател Доналд Трамп.
- Post By Фатиме Фазљији
- 12:51, 14 July, 2024
![Ахмети го осуди обидот за атентат врз Трамп](https://mia.mk/images/20240714121242_big_730x400_8.webp )
Скопје, 14 јули 2024 (МИА) - Лидерот на Демократската унија за интеграција Али Ахмети, на социјалните мрежи го осуди обидот за атентат врз поранешниот американски претседател Доналд Трамп.
- Најостро го осудувам обидот за атентат врз поранешниот претседател Доналд Трамп. Ние сме покрај семејството на претседателот Трамп и американскиот народ. Насилството од каква било природа и форма е неприфатливо. Секој развој на Соединетите Американски Држави го чувствуваме и го доживуваме заедно, бидејќи американскиот народ за нашата нација е најголемиот поддржувач и симбол на слободата, демократијата, независноста и еднаквоста, напиша Ахмети на Фејсбук.
На предизборниот митинг во Батлер, Пенсилванија врз поранешниот американски претседател Доналд Трамп беше извршен обид за атентат. фф/бак/
Фото: МИА Архива