Албанската полиција во соработка со црногорските колеги ослободиле 11 арапски имигранти кои биле земени како заложници
- Албанската полиција соработуваше со црногорските колеги во финализирање на меѓународната шифрирана операција „Киднапирање“.
![Албанската полиција во соработка со црногорските колеги ослободиле 11 арапски имигранти кои биле земени како заложници](https://mia.mk/images/20240726192853_big_730x400_37.webp )
Тирана, 26 јули 2024 (МИА) - Албанската полиција соработуваше со црногорските колеги во финализирање на меѓународната шифрирана операција „Киднапирање“.
- Информациите дадени од албанската државна полиција и разменети преку Европол, со црногорската полиција, овозможија пронаоѓање и ослободување на 11 арапски имигранти кои беа земени како заложници, објави албанскиот министер за внатрешни работи Таулант Бала на Фејсбук.
Киднаперите, авганистански имигранти, од кои 2 се уапсени во Црна Гора, под закана со пиштол и применувајќи сила, ги држеле заложниците на планинска територија во Црна Гора, во близина на границата со Албанија, и барале 50.000 евра за да ги ослободат.
-Албанската полиција даде информации за локацијата на овие граѓани и за други елементи кои доведоа до идентификување на сторителите, наведува Бала, постирајќи и видео запис.
Од истрагите постои основа на сомнение дека овие и уште двајца граѓани се вмешани и во други случаи на земање заложници на истиот простор. вт/
Фото: принтскрин