Тирана, 12 ноември 2024 (МИА) - Албанскиот премиер Еди Рама  се сретна со претседателот на Обединетите арапски емирати(ОАР), шеикот Мухамед Бин Зајед во Баку, Азербејџан, каде се одржува 29-та Конференцијата на страните на Конвенцијата на Обединетите нации за климатски промени(COP29). 

Како што објави Рама на Фејсбук, разговарале за значајни проекти кои се пред реализација со цел "зајакнување и модернизација на јавниот сектор во Албанија".

Меѓу нив е  формирањето заедничка компанија за производство на електрична енергија, како и  интерконекциската линија со Италија во трипартитно партнерство.

- Исклучително редок пријател и голем добротвор на Албанија, со кого разговаравме за добриот напредок на неколку значајни проекти кои влегуваат во фаза на реализација, од создавањето заеднички јавни претпријатија за производство на енергија (КЕШ-Маздар), интерконекциската линија со Италија во трипартитно партнерство, до новиот систем за дигитална контрола на сообраќајот, многу важни случувања за зајакнување и модернизација на јавниот сектор во Албанија,  пишува Рама. вт/
 
Фото: Рама ФБ