Рамала, 20 јануари 2025 (МИА) – Палестинскиот претседател Махмуд Абас му честиташе на американскиот претседател Доналд Трамп за неговата инаугурација, нагласувајќи ја подготвеноста на палестинските власти да соработуваат со Трамп за постигнување мир за време на неговиот мандат.

Тој истакна дека мирот мора да се гради врз темелите на решението со две држави и меѓународен легитимитет, се вели во соопштението од кабинетот на Абас.

- Оваа визија има за цел да воспостави држава Палестина која ќе може да живее во мир и безбедност со државата Израел, рече Абас.

Трамп ја истакна важноста на заедничките напори за воспоставување безбедност и сигурност во регионот и ширум светот.

Новоизбраниот претседател Доналд Трамп денеска положи заклетва како 47-ми претседател на САД. јт/

Фото: МИА архива