Vjenë, 14 prill 2025 (MIA) - Kërkesa globale për naftë do të rritet pak më ngadalë se sa pritej këtë vit dhe vitin e ardhshëm si rezultat i tarifave të reja amerikane, njoftoi sot Organizata e Vendeve Eksportuese të Naftës (OPEK).

 Sipas parashikimit aktual, kërkesa ditore për naftë bruto do të rritet me 1.3 milionë fuçi - një masë standarde e industrisë prej 159 litra secila - në 105.05 milionë fuçi në vitin 2025, thuhet në raportin mujor të tregut të kartelit të publikuar në Vjenë.

 OPEK-u kishte pritur më parë një rritje prej 1.4 milionë fuçi. Parashikimi i rritjes për vitin 2026 gjithashtu u ul nga 1.4 milion në 1.3 milion fuçi.

 Ekonomia globale po ndikohet nga pasiguria e shtuar mes konfliktit në rritje të tarifave, thuhet në raport.

Sipas kësaj, analistët e OPEK-ut presin që ekonomia globale të rritet me tre për qind këtë vit dhe 3.1 për qind vitin e ardhshëm.

 Foto: EPA