Luksemburg, 14 prill 2025 (MIA) - Të gjitha vendet anëtare të BE-së dëshirojnë paqe dhe mbështesin shpalljen e armëpushimit, Ukraina  më shumë se një muaj u pajtua për armëpushim të pakushtëzuar, por shohim se Rusia është ende e vetmja që dëshiron luftë, tha sot Përfaqësuesja e Lartë e BE-së për Politikë të Jashtme dhe Siguri, Kaja Kallas.

"Gjatë fundjavës ishim dëshmitarë në sulmin ajror më vdekjeprurës në Sumi, i cili i tregoi qartë Rusisë se nuk dëshiron aspak paqe", shtoi Kallasi në një konferencë shtypi pas Këshillit të Punëve të Jashtme të BE-së në Luksemburg.  

Sipas saj, siç lajmëroi korrespondenti i MIA-s nga Brukseli,  mënyra e vetme për ta bërë Rusinë të negociojë seriozisht për paqen është të ushtrojë më shumë presion ndaj saj, për të cilën BE tashmë po përgatit paketën e 17-të të sanksioneve, por në të njëjtën kohë, Ukraina duhet të forcohet ushtarakisht, kështu që takimi ministror diskutoi mënyrat për të mbështetur Kievin duke furnizuar armë dhe duke trajnuar ushtarë ukrainas.

 "Kur bëhet fjalë për iniciativën për dorëzimin e dy milionë pjesëve të municionit në Ukrainë, jam e lumtur të shoh se kemi arritur tashmë dy të tretat e këtij qëllimi, por nuk jemi ende 100 për qind dhe patjetër duhet të vazhdojmë me dërgimin", tha Kallasi, duke shtuar se një shumicë e madhe e vendeve anëtare pajtohen që BE-ja duhet të bëjë më shumë në mbështetjen e Kievit.

Ajo kujtoi se këtë vit, anëtaret e Bashkimit Evropian kanë ndarë tashmë mbi 23 miliardë euro për të ndihmuar Ukrainën, e cila tashmë ka tejkaluar 20 miliardë euro të vitit të kaluar.

Për sa i përket Lindjes së Mesme, Kallasi theksoi se të gjitha vendet anëtare të BE-së kanë rënë dakord për qëndrimin e mbështetjes së një zgjidhjeje paqësore bazuar në parimin e dy shteteve, ndërsa rikujtoi vendimin e sotëm të Komisionit Evropian për të ndarë 1.6 miliardë euro për tre vitet e ardhshme në kuadër të Programit të Mbështetjes për palestinezët. 

"Kur bëhet fjalë për situatën e përgjithshme, është shumë e vështirë dhe në të vërtetë dëshirojmë që negociatorët të kthehen në tryezën e bisedimeve dhe armëpushimin dhe të lirohen të gjithë pengjet. Ndihma humanitare e dërguar në Gazë për palestinezët nuk duhet të politizohet, që do të thotë se duhet të arrijë tek njerëzit që kanë nevojë. Izraeli ka të drejtë të mbrohet, por veprimet e tij aktuale shkojnë përtej vetëmbrojtjes adekuate", tha Kallasi.

Ajo theksoi se BE-ja mirëpret planin arab për rindërtimin e Gazës, por gjithashtu thekson se atij i mungojnë tre elementë të rëndësishëm - financimi, siguria dhe qeverisja e Gazës, për t'i tejkaluar të cilat Unioni është i gatshëm të punojë me partnerët e tij rajonalë dhe ndërkombëtarë. 

Kallasi informoi se Këshilli diskutoi edhe për situatën në Siri dhe për heqjen e mundshme të sanksioneve ndaj vendit dhe se u vlerësua se për momentin lidershipi i ri sirian nuk po tregon shumë hapa në drejtimin e pritur, kështu që situata në vend do të monitorohet dhe do të vlerësohen hapat e mëtejshëm dhe arritja e kushteve që BE dëshiron t'i shohë.

Përfaqësuesja e Lartë kujtoi gjithashtu se Këshilli mori vendim për vendosjen  e sanksione ndaj shtatë individëve dhe dy personave juridikë nga Irani, përgjegjës për shkelje të rënda të të drejtave të njeriut. Ajo shtoi se në të njëjtën kohë, Këshilli i mirëpriti bisedimet për programin bërthamor të Iranit si një hap në drejtimin e duhur, sepse, siç tha ajo, BE-ja nuk do të dëshironte ta shihte Iranin të zhvillonte armë bërthamore. 

 Ministrat kanë biseduar edhe për situatën në Afrikë, ku të gjitha vendet anëtare shprehën gatishmërinë e tyre për një angazhim më të madh me vendet afrikane, në mënyrë që ato të mos bien nën ndikimin e jashtëm të palëve të treta, si Rusia apo Kina, sepse siç theksoi Kallasi, BE-ja ka patjetër diçka për t'u ofruar.

 Foto: EPA