Kajro, 22 qershor 2025 (MIA) - Bahreini, ku ndodhet baza rajonale e Komandës Qendrore të SHBA-së, ka implementuar një plan pune në distancë për 70 për qind të nëpunësve të tij shtetërorë dhe i bërë thirrje publikut t'i përdorë rrugët kryesore vetëm kur është e nevojshme, raportoi "Neshnell".

"Për shkak të ngjarjeve të fundit dhe situatës në rajon, u bëjmë thirrje qytetarëve të përdorin rrugët kryesore vetëm kur është e nevojshme për të ruajtur sigurinë publike dhe për t'u lejuar autoriteteve përkatëse të përdorin rrugët në mënyrë efikase", theksohet në kumtesën e  Ministrisë së Punëve të Brendshme. 

 Ministria e Financave e Kuvajtit bëri të ditur se kishte aktivizuar planin e saj të reagimit ndaj emergjencave për të siguruar vazhdimësinë e operacioneve financiare.

Në atë shtet kanë një bazë të madhe amerikane që siguron logjistikë për operacionet ushtarake amerikane në rajon. Masat përfshijnë përgatitjen e strehimoreve në kompleksin ministror, ​​i cili mund të akomodojë rreth 900 persona.

Irani tashmë ka kërcënuar të sulmojë bazat ushtarake amerikane në rajon nëse Uashingtoni ndërhyn në anën e Izraelit. 

Foto: Arkivi i MIA-s