Teheran, 13 janar 2025 (MIA) - Rreth njëmijë dronë të rinj sot i janë dorëzuar armatës së Iranit, lajmëroi agjencia Tasnim.

Dronët janë dërguar në lokacione të ndryshme në Iran, ndërsa gjoja janë fluturake me aftësi të jenë pothuajse të padukshme gjatë sulmeve. 

"Karakteristikat e këtyre dronëve, të cilët përfshijnë një rreze veprimi prej 2.000 kilometrash, fuqi shkatërruese, aftësinë për të kaluar nëpër shtresa mbrojtëse dhe autopilot, jo vetëm që i rrisin aftësitë tona për mbikëqyrje kufitare, por edhe aftësinë ushtarake të flotës së dronëve të sulmojnë  objektiva të largëta, njoftoi agjencia iraniane.

Në fillim të këtij muaji, Irani filloi stërvitje ushtarake dymuajshe në të cilat marrin pjesë anëtarët e korpusit elitë të Gardës Revolucionare Iraniane, e cila ruan infrastrukturën kryesore bërthamore në qytetin Natanc. sa/