Париз, 25 март 2026 (МИА) – Генералниот секретар на Меѓународната трговска комора Џон Дентон предупреди дека војната на САД и Израел против Иран може да ја предизвика „најтешката индустриска криза во поновата историја“.

- Шефот на Меѓународната агенција за енергија предупреди дека светот се соочува со енергетска криза посериозна од нафтените шокови во 1970-тите – рече Дентон.

- Од деловна перспектива, веруваме дека ова дополнително може да стане најлошата индустриска криза во поновата историја – не само поради наглото зголемување на цените на енергијата, туку и затоа што самото индустриско производство е нарушено и дислоцирано поради недостиг на гас и други суштински компоненти – додаде тој.

Дентон говореше во пресрет на состанокот на министрите на Светската трговска организација во Јаунде, Камерун. јт/

Фото: Меѓународна трговска комора