Shkup, 10 prill 2026 

Punimet në rrugën "Ferid Murad" po vazhdojnë me ritëm të qëndrueshëm, ndërsa projekti po merr formë të plotë në terren, të cilat sot nga afër i ndoqi Kryetari i Komunës së Çairit, Izet Mexhiti.

Deri më tani, janë vendosur dhe betonuar bordurat në anën e djathtë të rrugës, duke krijuar ndarje të qartë mes korsisë së qarkullimit dhe hapësirës për këmbësorë.

"Punimet në rrugën 'Ferid Murad' po ecin me ritmin e duhur dhe çdo ditë shihet progres. Po krijojmë një infrastrukturë të rregullt dhe funksionale, ku lëvizja bëhet më e sigurt dhe më e organizuar për të gjithë qytetarët",u shpreh Mexhiti.

Aktualisht, po punohet në përgatitjen e shtigjeve për këmbësorë dhe biçiklistë, në funksion të rritjes së sigurisë dhe përmirësimit të lëvizshmërisë në këtë segment rrugor.

Komuna Çair

________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.

Foto: Komuna Çair