Gjenevë, 23 mars 2026 (MIA) - Gjendja e klimës globale nuk lë shumë hapësirë për optimizëm, duke pasur parasysh se indikatorët kyçë vazhdojnë të përkeqësohen, paralajmëroi Organizata botërore meteorologjike (OBM) në raportin e publikuar sot.

Sipas raportit për gjendjen e klimës në vitin 2025, çekuilibri mes energjisë që Toka e merr nga Dielli  dhe atë që e kthen mbrapsht në Gjithësi po rritet në mënyrë të përshpejtuar.

Temperaturat vazhdojnë të rriten, oqeanet po ngrohen, akulli dhe akullnajat po shkrihen, ndërsa koncentrimi i gazrave të qelqtë në atmosferë arrin nivele gjithnjë e më të larta.

"Nuk mund të mohohet se këta tregues nuk lëvizin në drejtim që ofron shumë shpresë", deklaroi zëvendësdrejtoresha e përgjithshme e OBM-së, Ko Baret.

Sekretari i përjgithshëm i Kombeve të bashkuara, Antonio Guteresh e vlerësoi situatën si të jashtëzakonshme, duke paralajmëruar se "planeti Tokë po shtyhet jashtë kufijve të vet".

OBM konfirmoi se periudha prej vitit 2015 deri në vitin 2015 është më e ngrohta në intervalin 11-vjeçar prej se bëhen matjet.

Vitin e kaluar ishte viti i dytë apo i tretë më i ngrohtë deri më tani, me temperaturë mesatare prej 1,43 gradë Celsius mbi nivelet paraindustriale, përderisa viti 2024 ishte akoma më i ngrohtë - rreth 1,55 gradë.

Marrëveshja e Parisit për klimën ka për qëllim ta kufizojë rritjen e temperaturës mesatare globale në 1,5 gradë Celsius, në mëynrë që të evitohen pasojat më të rënda nga ndryshimet klimatike.

OBM, e cila i analizon të dhënat shkencore nga e mbarë bota, në raport i grumbullon treguesit kyçë si temperaturat, shkrirjen e akullit, emetimet e gazrave të qelqta dhe faktorë të tjerë.

Për herë të parë, organizata e cekë çekuilibrin energjetik të Tokës si indikator kyç. Në sistem stabil klimatik, energjia të cilën planeti e absorbon bga Dielli duhet të ekuilibrohet me energjinë që e rrezaton mbrapsht në Gjithësi.

Megjithatë, koncentrimi i gazrave të qelqtë të krijuara bga njeriu arriti nivele të papara së paku 800.000 vite, që e pakëson aftësinë e planetit për të liruar ngrohje.

Mbi 91 për qind e energjisë së tepërt akumulohet në oqeane, thekson OBM, duke shtuar se shkalla e nivelit të ngrohjes mbi dyfish është rritur mes periudhave 1960-2005 dhe 2005-2025. ab/

fotо: arkivi