Teheran, 22 mars 2026 (MIA) - Armata iraniane sot kumtoi se do t'i sulmojë infrastrukturën energjetike dhe instalacionet e desalinizimit në rajon nëse presidenti i SHBA-së, Donald Tramp i realizon kërcënimet e tij për të shkatërruar elektrocentralet e Iranit.

"Nëse armiku e sulmon infrastrukturën e naftës dhe të energjisë të Iranit, caku do të jetë e tërë infrastruktura energjetike, informatike dhe infrastruktura e desalinizimit që i takon SHBA-së dhe regjimit në rajon", theksoi Hatam al-Anbija, zëdhënës i komandës operative të ushtrisë, në kumtesën e publikuar nga agjencia e lajmeve Fars. 

Ai nuk saktësoi se për cilin "regjim" bëet fjalë. Ushtria iraniane kumtoi se do të sulmojë infrastrukturën energjetike dhe instalacionet e desalinizimit në rajon nëse Donald Trampi i zbaton kërcënimet e tij për të shkatërruar termocentralet e Iranit.

Paraprakisht, Donald Tramp i dha Iranit 48 orë për të hapur Ngushticën e Hormuzit për trafikun detar ose do të përballet me shkatërrimin e elektranave iraniane. Kërcënimi nga SHBA-ja vjen pasi dy raketa iraniane goditën dy qytete në Izraelin jugor mbrëmë, njëra prej tyre pranë një qendre kërkimore bërthamore, me ç'rast u plagosën më shumë se 100 persona dhe u shkaktuan dëme të shumta materiale. ab/

Fotо: МIА arkivi