БалканБалкан.Портал

Затлер: Можни се промени во работата на Уставниот суд на БиХ

Специјалниот претставник на Европска Унија во Босна и Херцеговина, Јохан Затлер денеска изјави дека се можни измени во работата на Уставниот суд, но оти е потребно во согласност со процедурите за тоа да се договорат политичарите

Сараево, 25 февруари 2020 (МИА) – Специјалниот претставник на Европска Унија во Босна и Херцеговина, Јохан Затлер денеска изјави дека се можни измени во работата на Уставниот суд, но оти е потребно во согласност со процедурите за тоа да се договорат политичарите.

– Граѓаните очекуваат од политичарите да најдат решение и тоа сега е приоритет број еден, истакна Затлер за сараевскиот весник „Ослобоѓење“

Тој додаде дека е можно БиХ од моменталната ситуација да излезе без притисокот од надворешниот фактор.

– Мислам дека тоа е можно, но еден од предусловите е да постои добра волја и одредена доза креативност што ќе им овозможи на домашните лидери да се седнат на маса и да разговараат за решенија, посочи Затлер.

Тој потенцира дека негова и работа на меѓународните претставници во БиХ е да ги држат отворени каналите за комуникација и да пружат помош.

– Но, пред да направиме што било потребно ни е да видиме дека постои волја и подготвеност, истакна Затлер. ми/

Таг
Back to top button
Close
Close