Општински вестиСкопје

Започнува уписот на првачиња во Општина Карпош

Општина Карпош инфромира дека започнува уписот на деца во прво одделение во сите десет општински основни училишта за учебната 2021/2022 година.

Скопје, 3 мај 2021 (МИА) – Општина Карпош инфромира дека започнува уписот на деца во прво одделение во сите десет општински основни училишта за учебната 2021/2022 година.

– Во општина Карпош, запишувањето на новите ученици ќе се одвива во две фази: Доставување на потребни документи до училиштето, по електронски пат на uslugi.gov.mk или директно до Комисијата за упис на деца во прво одделение (составено од секое основно училиште); и Средба (разговор) со детето, на закажан термин во согласност со Протоколот за упис на ученици, се наведува во денешното соопштение на Одделението за односи со јавноста на локалната самоуправа.

Од Општината потенцираат дека оваа година доставувањето на документи може да се врши и по електронски пат, со цел да се намали метежот по образовните установи, но и да се избегне групирање и ширење на вирусот Ковид-19.

– Физичкото присуство останува како задолжително за да се спроведе интервјуто со ученикот кој се запишува. Сепак, генерално, ако дозволуваат временските услови, овие разговори ќе се спроведуваат во отворените еко – училници на сите училишта. Апелираме до сите чинители во процесот (наставници, деца, родители, административно – технички кадар) на зголемена претпазливост при работењето и грижа за заштита на јавното здравје, се потенцира во соопштението.

Воедно, Општина Карпош им посакува успешен упис и нов почеток на своите најмлади жители, како и на нивните родители и наставен кадар. сп/

Таг
Back to top button
Close
Close