0_Maqedoni.Portal0_Web_AktualeBiznesBiznes.PortalBiznis.SlajderEkonomi

Zaevi në takim me drejtuesit e grupacionit “Vitilo”: Vijon investim i ri prej 10 milionë euro

Kryeministri Zoran Zaevi, i shoqëruar nga drejtori i Drejtorisë për ZZHTI, Jovan Despotovski u takua me drejtuesit e grupacionit industrial italian "Vitilo", pronar dhe drejtues Antonio Vitilo dhe Çirjako lo Konte, drejtor i "Vitek Maqedonia".  

Shkup, 4 prill 2021 (MIA) – Kryeministri Zoran Zaevi, i shoqëruar nga drejtori i Drejtorisë për ZZHTI, Jovan Despotovski u takua me drejtuesit e grupacionit industrial italian “Vitilo”, pronar dhe drejtues Antonio Vitilo dhe Çirjako Lo Konte, drejtor i “Vitek Maqedonia”.

Në takim, siç bëri të ditur pres shërbimi qeveritar, është publikuar se investuesi i huaj, i cili është prezent në vendin tonë që nga viti 2011, ka vendosur të investojë 10 milionë euro të tjera në vend, në kuadër të fazës së tretë nga investimi i planifikuar, që është gati rritje njëqind për qind nga investimet e deritanishme prej mbi 11 milionë euro, të realizuara në fazën e parë dhe të dytë.

Siç qëndron në kumtesë, në takim, investuesit u shprehën të kënaqur për punën e tyre në vendin tonë dhe u njoftua se ekzistojnë kërkesa në treg për prodhimet dhe veprimtarinë e tyre.

Përfaqësuesit e grupacionit italian “Vitilo”, të njohur në industrinë e automobilave, siç u njoftua, do të investojë në ndërtim dhe në makina të reja për nevojat e industrisë së automobilave dhe industrive të tjera, ndërsa prodhimi nga vendi ynë është dedikuar për tërë Evropën, vendet e Gjirit dhe Shtetet e Bashkuara të Amerikës. Në këtë rast, është planifikuar që të rriten vendet e punës me një të tretën e numrit ekzistues të të punësuarve, të cilët, sipas informacioneve të kumtuara, marrin paga mbi mesataren në vend dhe të cilëve, vitin e kaluar, gjatë pandemisë, u janë rritur pagat për 16 për qind.

Kryeministri Zaev e mirëpriti investimin e ri, për të cilin shprehu pritshmëri për nënshkrim të shpejtë dhe zyrtar të Marrëveshjes për investimin.

“Ne jemi fuqishëm të fokusuar drejt hapjes së vendeve të reja të punës, rritje të ekonomisë. U treguam si vend mik në rajon, i cili gjeneron politika të miqësisë dhe besojmë se kjo ndikon në interesin për investim këtu. Na gëzon vendimi juaj për investimin e ri në Republikën e Maqedonisë së Veriut dhe ju shikoni mik të mirë dhe mundësi për bashkëpunim në nivel parimor”, tha kryeministri Zaev.

Në takim, drejtori Despotovski prezantoi detaje për investimin e ri, si dhe bisedimet mbi mbështetjen e shtetit për realizimin e tij. Siç u theksua, ky investim është pjesë e qasjes së re në punën e Drejtorisë për DZZHTI me analiza, por edhe afate dukshëm më të shkurtra për përgatitjen dhe lidhjen e marrëveshjeve. Kryeministri Zaev dhe përfaqësuesit e kompanisë italiane ranë dakord se kjo qasje do të nënkuptojë cilësi të re, siguri më të madhe dhe kështu më shumë investime të huaja në Republikën e Maqedonisë së Veriut. ar/

Провери го и ова

Close
Back to top button
Close
Close