СветСвет.Портал

За УНРВА не се доволни 130 милиони долари од донатори

Меѓународните донатори ветија повеќе од 130 милиони долари на Агенцијата на ОН за помош на палестински бегалци (УНРВА), која шефот на организацијата ја опиша како „охрабрувачка, но недоволна“ за својата работа до крајот на оваа година.

Ерусалим, 24 јуни 2020 (МИА) – Меѓународните донатори ветија повеќе од 130 милиони долари на Агенцијата на ОН за помош на палестински бегалци (УНРВА), која шефот на организацијата ја опиша како „охрабрувачка, но недоволна“ за својата работа до крајот на оваа година.

Агенцијата за помош на бегалци на ОН се наоѓа во финансиска криза уште од 2018 година, кога САД се повлекоа од финансирањето, што направи огромен недостаток.

Генералниот директор на УНРВА, Филип Лазарини, изјави дека донациите се мал дел од 400 милиони американски долари потребни за да се надомести за дефицитот од 1,2 милијарди американски долари во буџетот на УНРВА.

УНРВА е основана да им помогне на 700.000 Палестинци кои избегале или биле протерани за време на војната, кога е основана државата Израел во 1948 година. Агенцијата плаќа за храна, образование и здравствена заштита за околу пет милиони Палестинци во Либан, Сирија, Јордан, Западниот Брег, Појасот Газа и Источен Ерусалим.

Лазарини рече дека засега ниту една од основните услуги на УНРВА нема да биде укината, но „навистина не останува ништо друго“. зш/

Провери го и ова

Close
Back to top button
Close
Close