0_Спорт.ПорталОстанато

Вуков: Во Муџело да возам во посакуваната форма

Македонскиот автомобилист Ристо Вуков – Рико ја стартуваше новата кампања со настап во Порше Карера куп Италија, при што освои респектабилни пласмани на 9 и 7 место во двете трки на патеката Мизано.

Скопје, 17 јуни 2021 (МИА) – Македонскиот автомобилист Ристо Вуков – Рико ја стартуваше новата кампања со настап во Порше Карера куп Италија, при што освои респектабилни пласмани на 9 и 7 место во двете трки на патеката Мизано.

Вториот натпреварувачки викенд е цел месец подоцна, на 3 и 4 јули во Муџело, поради што одржувањето на формата и „апетитот за адреналин“ ќе бидат адресирани со нов предизвик.

– По пауза од 12 години повторно ќе возам на картинг трка, која е дел од Отвореното првенство на Србија. Се очекува конкуренција од 15 возачи, поради што очекувам таа да биде своевиден спектакл, пред сè поради искуството на сите учесници. Јас зимава во своите подготовки го вклучив возењето со картинг и почувствував големи физички оптоварувања, што ми даде за право да верувам дека потегот е исправен и навистина добредојден за одржување на кондицијата. Трките во Порше Карера куп Италија траат по 30 минути, но во нив постигнуваме брзини над 250 километри на час и големи гравитациски сили кои влијаат на перформансите. Дополнително, на првите квалификации имав и мал проблем со вишокот желба за наттркување, поради што сега тој „апетит“ планирам да го задоволам на овој начин, за на следната рунда во Муџело да бидам во формата што ја посакувам, изјави Вкуов.

Трката во картинг ќе се вози на патеката во Јагодина, на којашто Вуков оваа пролет веќе одржа неколку тренинзи. зс/

Таг
Back to top button
Close
Close