БалканБалкан.ПорталДописници Свет

Во Косово нема ниеден заразен со коронавирус

Во текот на денешниот ден на инфективната клиника на Клиничкиот и универзитетски центар на Косово се примени шест лица за кои имало сомневања дека се заразени со коронавирусот и кај сите нив анализите резултирале негативни.

Приштина, 26 февруари 2020 (МИА) – Националниот институт за јавно здравство на Косово објави вечерва дека ниту едно лице кое досега било хоспитализирано под сомнение дека е носител на коронавирусот не е заразено од тој смртоносен вирусјави дописникот на МИА од Приштина.

Институтот по пат на соопштение за јавноста објави дека е информиран оти во текот на денешниот ден на инфективната клиника на Клиничкиот и универзитетски центар на Косово се примени шест лица за кои имало сомневања дека се заразени со коронавирусот и кај сите нив анализите резултирале негативни.

Од 8 февруари до денеска, се вели во соопштението, во Лабораторијата за молекуларна микробиологија, со соодветни методи, се тестирани вкупно 17 сомнителни примероци за вирусот Ковид-19 и сите резултираа негативни. иа/

Back to top button
Close
Close