БалканБалкан.ПорталДописници Свет

Во грчкиот Парламент доставен законот за додаток од 2000 евра за секое новороденче

Во рамки на предлог законот од Министерството за труд и социјални работи на Грција, што денеска беше доставен во грчкиот Парламент, меѓу другото, вклучена е и новата мерка на владата – додаток од 2000 евра за секое новороденче од 1 јануари 2020, јави дописничката на МИА од Атина.

Атина, 15 јануари 2020 (МИА) – Во рамки на предлог законот од Министерството за труд и социјални работи на Грција, што денеска беше доставен во грчкиот Парламент, меѓу другото, вклучена е и новата мерка на владата – додаток од 2000 евра за секое новороденче од 1 јануари 2020, јави дописничката на МИА од Атина.

За добивање на додатокот што ќе се исплаќа на две рати по 1000 евра, потребно е да се исполнат одредени критериуми, меѓу кои и годишниот приход на семејството да не биде над 40 илјади евра, мајката да е со легален и постојан престој во Грција, а доколку е од трета земја, потребно е најмалку 12 години да живее во Грција пред поднесувањето на барањето за додатокот.

Додатокот за новороденчињата не припаѓа во категоријата приходи и е ослободен од секаков дополнителен данок. ср/ссм/

Таг
Back to top button
Close
Close