БизнисБизнис.ПорталЕкономија

Во градежништвото поповолни очекувања за порачки

Деловните субјекти во градежништвото имаат поповолни очекувања за вкупните порачки, односно договори за градежни работи во четвртиот квартал, во однос на претходниот квартал минатата година, а имаат и очекувања и за зголемување на бројот на вработени.

Скопје, 20 јанаури 2020 (МИА) – Деловните субјекти во градежништвото имаат поповолни очекувања за вкупните порачки, односно договори за градежни работи во четвртиот квартал, во однос на претходниот квартал минатата година, а имаат и очекувања и за зголемување на бројот на вработени.

Според објавените податоци на Државниот завод за статистика, оценката за економската состојба во четвртото тримесечје од 2019 година е поповолна во однос на претходниот квартал, а е поповолна и во однос на четвртото тримесечје во 2018 година.

Сегашната состојба со порачки (договори) на нивните деловни субјекти, како и финансиската состојба е поповолна во однос на претходното тримесечје.

Во наредниот период се очекува продажните цени да се намалат, a бројната состојба и квалитетот на механизацијата и опремата се над нормалата.

Најголемо влијание врз ограничувањето за подобрување на тековната градежна активност имаат следните фактори: нема побарувачка со 18,2 отсто, зголемени трошоци за материјали со 17,4 отсто недостиг на обучен кадар со 16,7 отсто и зголемени трошоци за труд со 14,7 отсто. скс/сп/

Back to top button
Close
Close