Политички партии

ВМРО-ДПМНЕ: СДСМ во недостиг на проекти сега се фали со лажни бројки и податоци

Заев се фали со реализација на капитални проекти во време кога неговата влада бележи енормен пад во капитални инвестиции.

Скопје, 12 јануари 2020

СДСМ во недостиг на проекти сега се фали со лажни бројки и податоци.

Заев се фали со реализација на капитални проекти во време кога неговата влада бележи енормен пад во капитални инвестиции.

Смешно е СДСМ да се фали со гасификација кога ниедно домаќинство се нема приклучено на гас. Вистината е дека моменталните работи кои се изведуваат се проекти започнати уште 2016-та од страна на ВМРО-ДПМНЕ и тие одамна требаше да се завршени. Еден нов проект не започнале СДСМ во гасификацијата.

Без срам СДСМ се фали со реализација на железници со 82% успешност, а возови излетуваат од шини. Поради неспособноста на СДСМ оваа 2020 се укина линијата Скопје – Велес – Скопје, се укина и линијата Скопје – Битола – Скопје.

Говори СДСМ за успеси во инфраструктура, а од ветените 550 километри ветени автопатишта уште нема траг.

Во програмата на СДСМ имаат ветено 31 станбен објект од кои 17 станбени објекти беа завршени од страна на ВМРО-ДПМНЕ, а во моментов се работи на само 4 станбени објекти.

Владата на Заев само сервира лаги, но нивното време помина. На 12-ти април доаѓа време на обнова на Република Македонија, време на реални проекти.

Центар за комуникации на ВМРО-ДПМНЕ

___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Таг
Back to top button
Close
Close