Политички партии

ВМРО-ДПМНЕ: Наместо со право, Русковска се бавеше со политика

Вчера македонскиот народ маршираше за право и правда. Mаршираше против неправдата и против се што Вилма Русковска направи изминатите 3 години.

Реакција на изјавата на Вилма Русковска

Скопје, 26 февруари 2020

Вчера македонскиот народ маршираше за право и правда. Mаршираше против неправдата и против се што Вилма Русковска направи изминатите 3 години.

Изминатите три години Русковска работеше исклучиво по насоките на Зоран Заев. Невини луѓе сместуваше во затвор само заради тоа што први го кренаа гласот против неправдата која ја донесе нејзиниот шеф. Наместо да покрене обвиненија против главата на октоподот, таа служеше да го амнестира криминалот на Зоран Заев и неговата рекетарска банда.

Наместо со право, Русковска се бавеше со политика. Впрочем и самата се пофали дека присуствувала на протести организирани од СДСМ во рекетарската 1 ТВ. Во судница сега прави се само да не се открие кој е главата на октоподот. Нејзина единствена мисија во случајот „Рекет“ е имињата на Зоран и Вице Заев да не се слушнат во судница, да не бидат повикани на распит и да не завршат зад решетки каде впрочем и одамна припаѓаат.

Правдата можеби е спора, но не е недостижна. По 12 април Македонија повторно ќе биде правна држава, ќе одговараат сите кои се огрешиле пред законот како и оние кои наместо да го гонат се ставија во одбрана на криминалот.

Центар за комуникации на ВМРО-ДПМНЕ

___________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Провери го и ова

Close
Back to top button
Close
Close