0_Спорт.ПорталSport.SlajderФудбал

Вилијан на прегледи во Арсенал

Офанзивниот играч од средниот ред го напушти „Стемфорд Бриџ“ по седум години во клубот. Не недостасуваа понуди за 32-годишникот, но тој го одбра Арсенал и само ќе го смени соседството во Лондон.

Лондон, 10 август 2020 (МИА) – Вилијан е пред преселба во Арсенал. Бразилецот, кој го напушти Челси и е слободен агент, денеска беше подложен на лекарски прегледи во Лондон. По нивното завршување, се очекува тој да потпише 3-годишен договор со „топџиите“, пренесоа островските медиуми.

Офанзивниот играч од средниот ред го напушти „Стемфорд Бриџ“ по седум години во клубот. Не недостасуваа понуди за 32-годишникот, но тој го одбра Арсенал и само ќе го смени соседството во Лондон.

Сепак, некои навивачи потсетуваат дека сè додека не се склучи договор, трансферот не е 100 отсто сигурен. Пред да се пресели во Челси, Вилијан беше прегледан во Тотенхем, но потоа се најде со својот градски ривал.

Таг
Back to top button
Close
Close