Svet.SlajderСветСвет.Портал

Јужна Кореја соопшти за нови 31 заразени од Ковид-19

Триесет случаи се пријавени во градот Даегу, 300 км јужно од главниот град Сеул, како и во соседната провинција Каонсандо. Во Сеул е потврден еден случај на заразен.

Сеул, 20 февруари 2020 (МИА) – Јужна Кореја соопшти за 31 нов случај на коронавирус (Ковид-19), со што вкупниот број заразени е 82. Триесет случаи се пријавени во градот Даегу, 300 км јужно од главниот град Сеул, како и во соседната провинција Каонсандо. Во Сеул е потврден еден случај на заразен.

Даегу и Каонсандо се населени со пет милиони луѓе. Од 30-те нови случаи во Даегу, 23 пациенти имале контакт со 61-годишна Јужнокорејка, на која и бил дијагностициран коронавирус во вторникот. Се проценува дека заразила скоро 40 луѓе за време на црковните посети пред да даде позитивен тест за коронавирусот.

Здравствените власти соопштија дека се уште е нејасно како   жената се заразила бидејќи немала никаков контакт со други носители на вирусот, ниту пак патувала во странство во последно време.

Во кинеската провинција Хубеи вчера беа потврдени 349 нови случаи на новиот коронавирус (Ковид-19), што е најниско од 25 јануари, соопштија денеска локалните здравствени власти. Во вторникот имаше 1693 случаи на заразени со новиот коронавирус. До денеска, вкупниот број потврдени случаи во Хубеи достигна 62.031. Повеќе од 10.000 од заразените се опоравени. зш/

Провери го и ова

Close
Back to top button
Close
Close