0_Спорт.ПорталФудбал

Јувентус му го честита 35. роденден на Роналдо: Тој одамна го надмина тоа што може да се опише со зборови

Италијанскиот фудбалски шампион Јувентус, преку официјалната веб-страница на клубот, му го честита 35-от роденден на напаѓачот Кристијано Роналдо.

Торино, 5 февруари 2020 (МИА) – Италијанскиот фудбалски шампион Јувентус, преку официјалната веб-страница на клубот, му го честита 35-от роденден на напаѓачот Кристијано Роналдо.

– Можеме да ја наведеме неговата неверојатна, импресивна статистика, може да користиме огромен список на придавки за да ги најдеме најсоодветните зборови. Но, вистината е дека Кристијано Роналдо, кој денес го слави својот 35-ти роденден, одамна го надмина тоа што може да се опише со зборови. Наш член е една и пол година, а заедно доживеавме незаборавни моменти, постојано чувствувајќи дека најдоброто допрва треба да дојде. Ни подари голови, кои 50 пати ги прославивме, ги затресе мрежите скоро сите противници против кои играше за Јувентус во Италија и Европа. Само четири екипи не „настрадаа“ од црно-белиот Кристијано, кој неодамна го повтори рекордот на Давид Трезеге, кој постигна голови на девет натпревари во низа.

Сите заедно во еден глас: Среќен роденден, Кристијано! – се вели во пораката на Јувентус.

Португалецот со Јувентус го освои шампионскиот трофеј минатата сезона во Серија А. Во својата кариера Роналдо настапуваше и за Спортинг, Манчестер јунајтед и Реал Мадрид. зс/

Таг
Back to top button
Close
Close