0_Македонија.ПорталПарламентарни избори 2020Политички партии

Љупчо Николовски: Минималната плата за ВМРО-ДПММЕ е само бројка, со СДСМ платите растат

Македонска Каменица е многу убав пример како може животот за само две и пол години да се смени на подобро.

Скопје, 25 јуни 2020

Македонска Каменица е многу убав пример како може животот за само две и пол години да се смени на подобро.

Ова рударско место е доказ дека СДСМ работи буквално за сите, дека го унапредуваме животот на сите и дека нашиот Исток веќе не е заборавен.

Ја исправаме неправдата што со години им беше нанесувана на рударите, во делот на нивното пензионирање.

Ветивме и реализиравме намалување на старосната граница за пензија за рударите коишто работат во подземен коп, и тие сега наместо на 58 можат да се пензионираат на околу 50 години.

Досега според оваа мерка во пензија се заминати над 100 рудари. На овој начин се грижиме за рударите чија работа е исклучително тешка, но истовремено отвораме и нови работни места.

Го решивме и проблемот со стечајците, речиси 12.000 стечајни работници ќе добиваат месечен надомест од 8.000 денари до нивното пензионирање.

Можеме повеќе и со минималната плата. Таа беше 9.000 денари, срамота!

Минималната плата не е само бројка. За некого е тоа живот! Во ВМРО тоа не го разбираат. Татини синови со длабоки џебови не го знаат тоа. Минималната плата ја држеа на 9.000 денари! Тие нека кажат како да преживее некој со 9.000 денари и деца да школува, да ги нахрани и облече? Заврши тоа време.

Сега е 14.500 денари, а до крајот на следниот мандат ќе ја зголемиме до 20.000 денари!

Епа навистина има разлика!

Има разлика и во тоа што не шепкаме по улици и во кафеани. Има слобода луѓе драги! Слободата, она најосновно нешто во животот ни го зедоа и успеавме да си го вратиме назад! Знаете ли на колку луѓе цели бизниси им украдоа???

СДСМ носи решенија за проблемите на граѓаните, ВМРО-ДПМНЕ носи обнова на режимот и го враќа назад Груевски.

Со СДСМ иднината е сигурна, тоа е иднина во ЕУ и НАТО, иднина со повисоки плати, со стабилна економија, иднина со осигурано здравје на граѓаните.

Понудата на СДСМ на овие избори е понуда која носи план за успешно справување со последиците на корона кризата, уште посилен економски раст, уште поодговорни институции, уште понагласен напредок, подготвивме мерки кои обезбедуваат ред, правда и дисциплина.

Јавноста е сведок кој носи антикризни мерки за помош на работниците и економијата, а кој по налог на Мицкоски блокира средства од 90 милиони евра од Светска банка.

Затоа на 15 јули направете го паметниот избор.

Изјава за медиуми на генералниот секретар на СДСМ и носител во ИЕ 3, Љупчо Николовски во Македонска Каменица

___________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Back to top button
Close
Close