Дописници МКДОпштински вести

Југоистокот ќе прска против комарци од земја

Десетте општини од Југоисточниот плански регион годинава ќе прскаат против комарци од земја.

Струмица, 12 март 2020 (МИА) – Десетте општини од Југоисточниот плански регион годинава ќе прскаат против комарци од земја.

Таква одлука донесе Советот на градоначалници на вчерашната седница, на која беше решено, за разлика од порано кога се вршеше авионско прскање, оваа сезона третирањето против комарци да се изврши од земја.

– Оваа година донесовме одлука да работиме заедно и координирано во целиот Југоисточен регион. Донесовме одлука прскањето да се изврши од земја и притоа ќе се извршат две третирање на ларвицидната форма на комарците и три прскања на адултната форма во текот на целата сезона, информираше претседателот на Советот на градоначалници на Југоистокот и градоначалник на Струмица, Коста Јаневски.

Лани во Гевгелија и Радовиш беше извршено прскање против комарци од земја и искуствата оттаму се дека третирањето теренски дава подобри резултати. рт/сп/

Back to top button
Close
Close