0_Спорт.ПорталСпортФудбал

УЕФА ја откажа младинската Лига на шампиони поради пандемијата на коронавирус

Македонскиот првак Шкендија нема да игра сезонава во младинската Лига на шампиони (ЛШ), откако Европската фудбалска асоцијација (УЕФА) одлучи денеска да го откаже натпреварувањето поради пандемијата на коронаирус.

Нион, 17 февруари 2021 (МИА) – Македонскиот првак Шкендија нема да игра сезонава во младинската Лига на шампиони (ЛШ), откако Европската фудбалска асоцијација (УЕФА) одлучи денеска да го откаже натпреварувањето поради пандемијата на коронаирус.

Новата сезона требаше да стартува во првата недела од март, а Шкендија со веќе извршената ждрепка требаше да игра против Габала од Азербејџан, на 4 март во Скопје.

Обелоденувајќи ја одлуката, УЕФА наведе дека патните рестрикции од кои се погодени екипите создаваат големи проблеми околу организација на нивните натпревари, додавајќи дека две екипи веќе го откажале настапот во младинската ЛШ.

– Извршниот комитет одлучи дека веќе не постои можност за дополнително пролонгирање на почетокот на натпреварувањето и нагласува дека здравјето и безбедноста на младите фудбалери мора да бидат од највисок приоритет, соопшти УЕФА. ег/оџ/

 

Back to top button
Close
Close