0_Македонија.ПорталBiznis.SlajderБизнисБизнис.ПорталЕкономија

ТУК: Континуирана финансиска поддршка за опстанок на туристичкиот сектор

Туристичко-угостителската комора на Македонија апелира за континуитет на економските мерки кои дадоа резултати за да се спречи загуба на работните места, како и да се овозможи тие да  бидат дел од петтиот пакет мерки за економски спас.

Скопје, 4 февруари 2021 (МИА) – Туристичко-угостителската комора на Македонија апелира за континуитет на економските мерки кои дадоа резултати за да се спречи загуба на работните места, како и да се овозможи тие да  бидат дел од петтиот пакет мерки за економски спас.

Како што соопштија денеска од Сојузот на стопански комори лиценцираните туристички агенции и водичи се со крајно лимитирана деловна активност и се соочуваат со бројни предизвици и голема неизвесност.

Од туристичките агенции апелираат да се продолжи со мерките за поддршка на секторот и да нема застој во исплата на финансиската поддршка за плати, бидејќи тоа ќе има големо влијание врз задржувањето на работните места и опстанокот на оваа дејност во која се вработени над 3.000 луѓе во околу 500 регистрирани правни субјекти.

-Туристичкиот сектор во услови на бројни бариери за транзит низ границите предизвикано од кризата се уште се наоѓа во исклучително тешка состојба поради што апелираме да се продолжат мерките за поддршка. За опстанок на секторот неопходен е континуитет, односно да нема застој во обезбедување на финансиска поддршка за исплата на плати. Овој сектор се соочува со ограничувања, но веруваме дека со соодветна и навремена финансиска помош од државата, проактивен однос на туристичките оператори и строго почитување на протоколите може да се надминат состојбите и да се зачува деловната активност и вработувањата додека да се подобрат состојбите“,  изјави Ана Марија Алексова.

Таа посочи дека и за превозниците е од исклучителна важност да има промена на протоколите, односно да се дозволи зголемување на процентот на дозволена исполнетост на капацитет на автобусите.

-Бараме ограничувањето од 50 отсто на дозволената пополнетост на капацитетот на автобусите во меѓународниот и регионалниот превоз да биде зголемено на 75 отсто, со почитување на дополнителните протоколи за заштита првенствено носење маски. За организирање на превозот во вакви услови е на работ на рентабилноста, додека за споредба во воздушниот превоз е дозволено капацитетот да биде целосно исполнет, истакнува Алексова.

Поради намалениот број туристи и немањето туристички аранжмани во исклучително неповолна состoјба се наoѓаат и туристичките водичи и придружници.

-На раб на егзистенција сме бидејќи немаме никаква работа ниту приходи скоро цела година, поради што бараме и со петтиот пакет на мерки да продолжи континуитетот на поддршката што ја добивме во форма на неповратна финансиска помош“, изјави Елвир Садиковиќ.

Според последните податоци на Заводот за статистика бројот на туристите во ноември 2020 година, во однос на ноември 2019 година, е намален за 66.6  проценти а бројот на ноќевањата е намален за 64,5  проценти. Во периодот јануари ‒ ноември 2020 година, во однос на истиот период од претходната година, бројот на туристите е намален за 61,2  проценти.  Кај домашните туристи има намалување за 20,3 проценти, а кај странските за 84,4 проценти.

-Туризмот е значајна гранка во националната економија и претставува голем потенцијал за поттикнување на нејзиниот раст, но се покажа за исклучително чувствителен на надворешни влијанија како што е актуелниот случај на кризата предизвикана од глобалната пандемија, стои во соопштението од ССК.лв/са/

Провери го и ова

Close
Back to top button
Close
Close