СветСвет.Портал

Трамп се надева на вакцина до крајот на годината, се мобилизира и армијата

Американскиот претседател Доналд Трамп, се надева на вакцина против коронавирусот до крајот на годината, а за нејзина дистрибуција, како што рече, ќе се потпре на армијата, а предност во вакцинирањето ќе имаат постарите Американци.

Вашингтон, 14 мај 2020 (МИА) – Американскиот претседател Доналд Трамп, се надева на вакцина против коронавирусот до крајот на годината, а за нејзина дистрибуција, како што рече, ќе се потпре на армијата, а предност во вакцинирањето ќе имаат постарите Американци.

– Знаете дека давањето на оваа вакцина е огромна работа. Нашата армија моментално се мобилизира и на крајот на годината ќе можеме да ја дадеме на голем број луѓе многу, многу брзо, рече Трамп во интервју за Фокс Бизнис.

Трамп изрази уверување дека вакцината ќе стане достапна до крајот на годината и дека американската војска и другите сили ќе бидат мобилизирани во согласност со таа претпоставка.

Иако засега нема вакцина против коронавирусот, Белата куќа има поставено цел да произведе 300 милиони дози на ваква вакцина до крајот на оваа година, додека истакнатиот американски епидемиолог Ентони Фаучи смета дека е неостварлива идејата оти таа ќе биде достапна до есен, кога ќе започне наставата во училиштата и на факултетите. јт/

Таг
Back to top button
Close
Close