BotëBotë.PortalSvet.Slajder

Tramp nënshkroi dekrete për ndihmë të amerikanëve që i kanë humbur punët e tyre pas shpërthimit të pandemisë Kovid-19

Presidenti amerikan Donald Tramp ka nënshkruar dje katër urdhra ekzekutivë, që zgjatë ndihmën ekonomike ndaj amerikanëve që janë dëmtuar nga pandemia e koronavirusit.

Uashington, 9 gusht 2020 (MIA) – Presidenti amerikan Donald Tramp ka nënshkruar dje katër urdhra ekzekutivë, që zgjatë ndihmën ekonomike ndaj amerikanëve që janë dëmtuar nga pandemia e koronavirusit.

Ky njoftim vjen pasi negociatat dështuan për të arritur një marrëveshje rreth miratimit të legjislacionit për këtë çështje,

Tramp në konferencën për shtyp theksoi se i është dashur të vepronte, pasi negociatorët e Shtëpisë së Bardhë dhe demokratët në Kongres nuk arritën marrëveshje.

Një nga urdhrat e nënshkruar parasheh pagesë për personat që kanë mbetur të papunë për shkak të pandemisë së koronavirusit. Pagesat ndaj të papunëve do të jenë 400 dollarë në javë – më pak sesa në një pako stimuluese që kishte kaluar në Kongres, ku të papunët paguheshin me nga 600 dollarë në javë.

Ndërkaq, tri urdhrat e tjerë ekzekutiv bëjnë thirrje për pezullimin e pagesës së kontributeve nga amerikanët që punojnë, shtyrja e pagesave të kredive që kanë studentët, si dhe disa lehtësira të tjera financiare.

Urdhrat ekzekutiv të nënshkruara nga Trampi mund të sfidohen në ndonjë gjykatë, pasi ato nuk kanë kaluar përmes Kongresit dhe sipas Kushtetutës amerikane, shpenzimi i parave publike duhet të marrë edhe pëlqimin e Kongresit. mb/

Back to top button
Close
Close