Svet.SlajderСветСвет.Портал

Трамп: Грета Тунберг ме победи во трката за насловна страна на „Тајм“

Непосредно пред заминувањето од Давос, американскиот претседател Доналд Трамп изјави дека би сакал да ја слушне шведската активистка Грета Тунберг како зборува на Светскиот економски форум. 

Давос, 22 јануари 2020 (МИА) – Непосредно пред заминувањето од Давос, американскиот претседател Доналд Трамп изјави дека би сакал да ја слушне шведската активистка Грета Тунберг како зборува на Светскиот економски форум.

Трамп изјави дека Тунберг го победила во трката за насловната страница на магазинот „Тајм“, алудирајќи на изборот на списанието за „Личност на годината“.

Тој вчера зборуваше за климатските промени, додека Тунберг седнеше во публиката, а еден час подоцна таа го повтори она што го кажа минатата година: „Нашата куќа сè уште гори. Вашата неактивност го разгорува огнот“.

Пред да го напушти Давос, Трамп им рече на новинарите дека сакал да го слушне говорот на Грета. Тој оцени дека Тунберг треба да го пренасочи вниманието од САД кон другите земји каде што загадувањето е многу поголемо. ссм/

 

Таг
Back to top button
Close
Close