Uashington, 9 dhjetor 2025 (MIA) - Presidenti amerikan Donald Tramp e ka quajtur "të pakëndshëm" dënimin që Bashkimi Evropian ia dha rrjetit social "Iks" të Ilon Maskut dhe shtoi se nuk kupton si mund të arsyetohet masa e tillë.

Kompania "Iks" e Maskut javën e kaluar u dënua me 120 milionë euro nga rregullatorët teknologjikë evropianë për shkeljen e rregullave për përmbajtjen onlajn.

"Evropa po lëviz në një drejtim shumë të keq", u tha Tramp gazetarëve në një ngjarje në Shtëpinë e Bardhë dhe shtoi se pret të merr një raport të plotë mbi rastin më vonë sot.

"Nuk e di se si mund ta bëjnë këtë", tha Tramp. Sipas tij, Elon Mask nuk e telefonoi dhe nuk i kërkoi ndihmë lidhur me rastin.

"Evropa duhet të jetë shumë e kujdesshme", paralajmëroi Tramp.

BE-ja më 5 dhjetor e dënoi platformën "Iks" me 120 milionë euro (140 milionë dollarë) për shkelje të rregullave të saj të transparencës, duke akuzuar platformën për autorizim të rremë të llogarive të përdoruesve me shenja të kaltërta, se fsheh të dhëna nga hulmumtuesit dhe nuk i dokumenton në mënyrë transparente reklamat e vendosura në platformë. Komisioni kumtoi se dënimi ishte proporcional me shkeljen.

Në ngjarjen e njëjtë, Tramp gjithashtu tha se do të vendos tarifa të larta për mbeturinat artificiale kanadeze, nëse kjo është e domosdoshme.

"Shumë prej tyre vijnë nga Kanadaja dhe ne do të vendosim tarifa të larta për to nëse nevojitet, pasi kjo është mënyra në të cilën dëshirojmë t'i stimulojmë prodhuesit tanë", tha Tramp për importet e mbeturinave artificiale kanadeze.

Tramp kërcënoi edhe se të vendos tarifë shtesë prej pesë për qind për Meksikën, të cilën e akuzoi për shkelje të një marrëveshjeje për ndarjen e ujit me SHBA-në.

"Nëse Meksika nuk u përgjigjet kërkesave tona, kjo do të ishte shumë jokorrekte ndaj fermerëve tanë, që e meritojnë këtë ujë kaq të nevojshëm," shkroi Tramp në llogarinë e tij në "Truth Social". bsh/

Foto: EPA