Сочувство од вработените во МИА до семејството на Љупчо Јакимоски, поранешен директор на Агенцијата
Скопје, 7 март 2023 (МИА) - Вработените во Медиумската Информативна Агенција (МИА) изразуваат длабоко сочувство до семејството на Љупчо Јакимовски, поранешен директор на МИА, кој почина синоќа во 61-та година од животот по кратко боледување.
Љупчо Јакимовски во 2006 година беше избран за директор и главен и одговорен уредник на МИА, а на оваа функција беше се до 2017 година.
Љупчо Јакимоски е роден во 1961 година, во село Велестово, Охрид. Завршил Филолошки факултет во Скопје- група Историја на книжевностите на народите на СФРЈ.
Двапати е избран за пратеник од редовите на ВМРО-ДПМНЕ, во првиот парламентарен состав, а потоа и во 1998. Истата година година е избран за генерален директор на Македонската радио телевизија, функција која ја извршува до 2002 година.
Во 2006 година е избран за директор и главен и одговорен уредник на МИА, на која функција е 11 години, се до 2017. Претходно тој беше директор и на Македонската радио телевизија.
Љупчо Јакимоски ќе биде погребан во неговото родно Велестово. ев/лв/
