• вторник, 26 март 2024

Османи во Братислава се сретна со специјалниот пратеник на Франција за Украина, Ејброн и со белоруската опозиционерка, Тихановскаја

Османи во Братислава се сретна со специјалниот пратеник на Франција за Украина, Ејброн и со белоруската опозиционерка, Тихановскаја

Скопје, 29 мај 2023 (МИА) - Министерот за надворешни работи Бујар Османи денеска имаше повеќе средби со учесници на Форумот за безбедност ГлобСек во Братислава, меѓу кои и со Пјер Ејброн, специјален пратеник на Франција за обнова и помош на Украина, од француското Министерство за Европа и надворешни работи.

Во фокус на разговорите беше европскиот пристапен процес на Северна Македонија и регионот на Западен Балкан, при што Османи ја реафирмираше заложбата за развивање на соработката меѓу државите од Западен Балкан како единствен пат кон прогрес и европска иднина. Додека во својство на претседавач со ОБСЕ, Османи ги брифираше соговорниците за напорите на Организацијата за приоритетот број 1, соопшти МНР.

- ОБСЕ е присутна во Украина, го поддржува украинскиот народ и од блиску ја набљудува  состојбата. Претседавањето на Северна Македонија со ОБСЕ ќе ги стави на располагање сите механизми на ОБСЕ за обезбедување на мир и почитување на меѓународното хуманитарно право од страна на Русија, истакна Османи. 

Министерот оствари средба и со Светлана Тихановскаја, претставник на белоруската опозиција, на која “ја нагласи поддршката за белорускиот народ  во борбата за демократија и слобода, истакнувајќи ја потребата од итно и безусловно ослободување на сите политички затвореници од режимот на Лукашенко“.

Во текот на утрешниот ден, Османи ќе има обраќање на панелот посветен на иднината на проширувањето на Европската Унија, а ќе учествува и на неколку други тркалезни маси и панел дискусии. На агендата на Османи за време на престојот во Братислава се и други билатерални средби со свои колеги, инфотмираат од МНР.са/

Фото: МНР

Остани поврзан